Веројатно речиси сите компјутерски корисници се запознаени со e-mail и со instant messaging програмите. За неколку години Интернетот целосно го смени начинот на комуникација помеѓу луѓето, со еден исклучок - комуникацијата преку телефон. Сé уште ништо не ги има изменето ритуалот на кревање на слушалката и одбирање број за да се има комуникација со некого, како што e-mail-от речиси целосно го избриша ритуалот на рачно пишување писма. Како и да е, Интернетот ни нуди можност за комуникација која во секој поглед е поисплатлива од секој друг начин на комуникација.