Во последните години продажбата на преносни компјутери или народски кажано лаптоп компјутери, значително порасна и на светските пазари тие веќе се сметаат за сериозна конкуренција на "нормалните" десктоп сметачи. Дали сето ова се должи на сé позабрзаниот развој на мобилната технологија или, пак, на зголемувањето на желбата на самите корисници електронскиот пријател секогаш да им биде при рака? Можеби и најважен фактор е тоа што минатата година цените на преносните компјутери значително се намалија. Ова, пред сé, се должи на конкуренцијата која доаѓа од источните земји, а што секако е добредојдена за нас корисниците. Доколку и вие сте се одлучиле за набавка на преносен компјутер, сигурно се соочувате со мал милион прашања од типот, Intel или AMD, ATI или nVidia... Со овој напис ЕМИТЕР ви помага да го најдете одговорот на овие прашања.