По барање на повеќе наши читатели за изработка на гитарски засилувач, тргнав во потрага по добра електрична шема за изработка на проект на комплетен, квалитетен, доволно моќен и пренослив гитарски засилувач т.н. "COMBO". Гитарскиот засилувач во овој проект е проектиран така да задоволи колку што е можно повеќе барања поставени од страна на повеќе гитаристи, а тие се: да е доволно моќен, да дава соодветна боја и квалитет на звукот, да е доверлив (сигурен), компактен, лесен за транспорт итн. Бидејќи е прв домашен производ од ваков тип, го нареков "Macedonian Sound" (Македонски звук) или само MS-1. Во овој прв дел од написот ќе биде прикажана градбата на гитарскиот предзасилувач.