Без разлика дали сте сопственик на мало претпријатие и сакате услугите кои ги нуди вашата компанија да ги презентирате на интернет или пак едноставно имате желба со пријателите да ги споделите вашите искуства од летниот одмор, изработката на веб презентација со соодветната содржина би било идеално решение. Сепак, ангажирањето на професионални веб дизајнери често знае да биде скапа инвестиција. Од таа причина како и желбата позитивно да одговориме на барањата на нашите читатели ја подготвивме оваа серија од написи преку која ќе се обидеме да ви покажеме како сами да ја испланирате, дизајнирате и изработите вашата лична веб страница.