Microsoft Word е веројатно најупотребуваниот дел од Microsoft Office пакетот. Ова воопшто и не е чудно со оглед на тоа што апликацијата постои долга низа на години, се разбира, во различни верзии. Иако постојат и други апликации за обработка на текст како Page Maker, Quark XPress и InDesign кои патем имаат поспецифична намена, Word-от е незаменлива и моќна алатка во рацете на оние кои знаат да го искористат. Но, според мое искуство, многу малку од корисниците ги употребуваат сите опции што им се на располагање, па главно се фокусираат на користење на Word-от како обичен текст процесор. Една од можностите кои ги нуди оваа апликација е креирање на табели, за што, всушност, и станува збор во овој напис.