Телевизијата денес е нераздвоен сопатник на човекот речиси во сите сфери на неговиот живот: од медицината до забавата, од вселената до најмалите клетки на се што го опкружува. Денес телевизиската слика е со зачудувачки квалитет на најситните делчиња, со квалитетен опкружувачки звук и мноштво корисни дополнителни информации со помош на кои се креираат содржини со сопствен тајминг, по сопствена потреба и желба. Но не било од секогаш така. Овој мини серијал има за цел да го покаже развојниот пат на телевизијата низ годините. Во овој прв дел се опфатени првите идеи, обиди и откритија, најраните почетоци, првите преноси на слика на далечина, како и основните принципи на работа на телевизијата. Со други зборови кажано, текстов е обид да се прикаже како сонот на многу научници, инженери и обични луѓе се реализирал и опредметувал во јаве!