Компанијата LaCie можеби и не е позната многу во нашите краишта, но во светски рамки таа веќе има солидно реноме во производството на надворешни (екстерни) дискови. Во последно време компанијата почна сä повеќе да навлегува во областа на мултимедијални дискови, а LaCinema Premier претставува типичен претставник на оваа класа. Се работи за релативно брз и лесен за користење надворешен мултимедијален диск, кој на едноставен начин во спрега со добар HD-телевизор ќе ви овозможи да уживате во висококвалитетен аудио-видеоматеријал. За оние кои прв пат се среќаваат со ваков уред, да појаснам дека се работи за диск кој е сместен во посебно куќиште, во кое, за разлика од другите произведувачи, LaCie ја сместил и целата потребна електроника за репродукција на мултимедијални содржини.