Стандардно, како и во изминатите неколку години, почетокот на месец октомври не само што претставува почеток на академската година за студентите, туку е резервиран и за најверојатно најочекуваниот IT настан во државата, конференцијата Визија. На дводневниот семинар, кој се одржа на 7 и 8 октомври во хотелот Александар Палас, посетителите можеа да се запознаат со новите производи и технологии на Мајкрософт, како и со нивните имплементации од страна на неговите партнери. Мене лично, самиот организатор најмногу пријатно ме изненади со неколкуте предавања кои немаа за цел реклама на неговите производи, туку беа наменети за запознавање на посетителите со концептите на управување со проекти.