На почетокот на месец ноември, во просториите на Мултимедијалниот центар Мала станица во Скопје, се одржа манифестацијата наречена "Ден на Apple во Македонија". За сите верни обожаватели на Аппле, а уште повеќе за оние кои не знаат многу за компанијата и нејзините производи, ова беше вистинска можност да се запознаат со разни новини од повеќе области поврзани со американскиот гигант. Презентацијата на новитетите која се одвиваше по однапред зададена програма, беше придружена и со претставување на нејзините бизнис-партнери, кои ја искористија оваа можност да ја претстават својата понуда.