Makita е компанија за чии производи досега доста сме пишувале. Во својата богата понуда на разни типови алат за столарската и градежната индустрија може да се најдат и алати кои се помалку познати за обичните корисници, но затоа, пак, се и тоа како познати и незаменливи за професионалците. Еден од таквите алати е глодалката за сечење рабови 3710 Laminate Trimmer, кој како што и самото име кажува, најчесто се користи при обработка на ламинат, но исто така може да се користи и при разни други секојдневни работи во која било столарска работилница. Друг таков алат е и BTW251RFE акумулаторски ударен одвртувач чија главна намена е да "испорача" голем торзионен излезен момент со минимално напрегање на работникот.