Просечниот корисник најчесто при купување на избраната компјутерска конфигурација многу повеќе своето внимание го насочува кон компонентите како процесор, матична плоча, меморија или хард диск. Вообичаено на звучната картичка воопшто и не се посветува внимание, иако рака на срце за тоа има и едноставно објаснување - повеќето матични плочи имаат вградена аудиокартичка (onboard), па корисникот е ограничен на тоа што производителот го одбрал. Но, што во случај кога онбоард аудиокартичката ќе престане да функционира или едноставно не сте задоволен со тоа што таа го нуди. Тогаш, јасно, единствено решение е купување нова. Во таков случај моделот Creative X-Fi Elite Pro заслужува посебно внимание.