Често пати ми се случува да бидам во дилема за тоа кој софтвер да го препорачам кога некој познаник ќе ми се обрати со прашањето како и кој софтвер да го користи за да изврши конверзија на одредена мултимедијална содржина во друг формат. Во време кога сме преплавени со понуда на различни апликации од овој тип, изборот навистина не е лесен, па затоа посочувам повеќе парчиња софтвер. При ова секогаш се раководам од тоа дека посочениот софтвер треба да има што е можно поголема вградена поддршка за голем број на разни мултимедијални формати. Во секој случај на овој список редовно се наоѓа апликацијата FormatFactory, која ги исполнува овие побарувања а од друга страна е лесна за користење, функционална и што е многу важно – бесплатна.