Оној момент кога ќе се вклучите на интернет, вашиот компјутер станува цел на разни хакерски напади, вируси, малициозни програми и што сä уште не. Затоа од витално значење за "здравјето" на вашиот PC е софтверот кој го користите за заштита. Во повеќето случаи, обичниот корисник ќе се одлучи само за некој од антивирусните програми, додека, пак, понапредните корисници во својата колекција на заштитен софтвер ќе вклучат и дополнителни алатки за заштита од злонамерни програми од редот на спајвери (spyware), хајџекери (hijackers), килогери (keyloger) итн. Големите компании кои произведуваат софтвер за заштита од сите овие опасности, често пати издаваат комплетни алатки кои во себе имаат инкорпорирано разни модули чија задача е целосна заштита на компјутерот. Еден таков пакет е и Norton Internet Security 2009, производ на престижната компанија Symantec.