Последните 20-тина години дојде до голем развиток на техниката, особено на компјутерската технологија, а со тоа и на астронаутиката. Во двете астро суперсили, САД и Русија, беа произведени пилотирани летала со повеќекратна употреба и врвна технологија, од кои само Спејс шатлот влезе во редовна употреба. Беспилотни мисии беа испратени кон сите надворешни планети. Особено е импресивна мисијата кон планетата Сатурн и нејзиниот сателит Титан и мисиите на Марс Експрес и роверите Спирит и Опортјунити, а тука влегува и мисијата Нови Хоризонти која околу 2013 година треба да пристигне и да ни испрати фотографии од замрзнатиот свет на Плутон и на неговиот сателит Харон. Почетокот на 21. век го означи и градбата на првата меѓународна вселенска станица ISS.