Одржување на системот во "добра кондиција" никогаш не бил приоритет на просечниот корисник на PC. Корисниците на Windows најчесто се потпираат на вградените алатки во самиот оперативен систем, што реално гледано воопшто не е доволно. Затоа, оние на кои добрата состојба на системот им е важна, а зошто и не би била кога тоа им гарантира брза и стабилна работа, често пати бараат дополнителни алатки за оваа намена. Како и во многу други области, понудата на вакви производи на пазарот е голема, но малку се оние кои освен тоа што со години се присутни, нудат и задоволувачки квалитет. TuneUp Utilities 2009 е еден од оние програми кои сигурно се наоѓа на врвот на листата на успешни и квалитетни алатки за одржување на системот.