Списокот на неопходните алати кои се потребни на секоја столарска работилница за успешна и квалитетна работа во ниеден случај не е мал. Во денешно време, кога на пазарот на електрични алати има разновидна и богата понуда, крајниот потрошувач често пати се наоѓа во дилема за вистинскиот избор. Но, за сите оние кои знаат да препознаат квалитет и кои барат модерен, издржлив и цврст алат со врвни карактеристики, производите на компанијата Makita се логичен избор. Во оваа прилика, од богатата понуда на оваа компанија, се одлучив да ви ја претставам кружната пила Makita 5704 R, за која верувам дека ќе ги задоволи вкусовите и барањата на врвните професионалци, за кои, впрочем, и е наменета.