Не е толку далеку времето кога безжичните тастатури и глувчиња имаа високи цени, па поради тоа беа, условно кажано, "непривлечни" за обичниот корисник на PC. Од гледна точка на функционалност и практичност, нема збор за тоа дека безжичните комплети се одличен избор за сите оние кои располагаат со мал работен простор, каде нема место за поставување на сè што им е потребно за удобна работа. Денес, цените на ваквите комплети се далеку пониски, а понудата на пазарот е многу богата и разновидна. Компанијата Genius која е позната како производител на периферни уреди за PC со висок квалитет, на своите потрошувачи им го нуди комплетот Genius TwinTouch LuxeMate US, за кој верувам дека ќе ги задоволи вкусовите и на најпребирливите.