Радиоаматерството постои уште од самите почетоци на радиокомуникациите и низ времето е подложно на промени коишто главно се однесуваат на развојот на технологијата, но неговата суштина до денешен ден останала иста. Кај нас беше многу популарно во периодот на претходниот општествен систем кога беше поддржано од државата, но благодарение на ентузијазмот на радиоаматерите опстојува и денес. Во изминатите три децении, списанието Емитер редовно објавува написи посветени на радиоаматерските активности, со што игра значајна улога како негов хроничар, но и како поттикнувач за нивна поголема застапеност во јавноста.