Вештачката интелигенција, или поточно Системите на вештачка интелегенција, па што и да подразбираме под тоа, стана секојдневие. Секојдневие без кое сегашноста не може да се замисли. Алатка која милиони луѓе секојдневно ја користат. Алатка за која веруваме дека е иднината на човештвото. Алатка за која сакаме да мислиме дека ќе го подобри животот на човештвото, која ќе пронајде нови лекови во медицината, ќе пронајде нови теории во физиката, која ќе донесе нова технолошка револуција, алатка која ќе го смени начинот на живеење во правец кој не може ниту да го замислиме. Секојдневно слушаме за нови подобрувања на постоечките модели и прогнозите за времето кога вештачката интелегенција ќе го надмине човекот. Но, како функционира, како размислува, како учи, како се подобрува и развива вештачката интелегенција? Тоа се дел од прашањата коишто се тема на овој напис.