Вештачката интелигенција (ВИ) повеќе не е термин кој го користат само они кои тоа го учат или работат. Не, таа е насекаде, многу повеќе од што можете да видите, па дури и да претпоставите. Работи во позадина, предлага решенија, учи и се надградува, а доколку најде соодветен партнер во човекот и неговата „природна” интелигенција, тогаш за таа симбиоза практично и да нема ограничувања. Одамна ВИ излезе од виртуелниот свет и сега е алатка во секоја индустрија, но за потребите на овој текст ќе се фокусираме на нејзината примена во дигиталниот маркетинг.