Историјата на тогаш наречените „лес­ни летала” во Македонија започнува со Јован Калајлиовски, Слободан Жера­иќ и Сашо Генчев, и биле во тек со свет­скиот развој. Јован имал „кулман” (табла за цртање) каде ги дизајнирал првите делта­плани, тогаш викани „Рогалови крила”, Сашо му асистирал. Жераиќ ја зел рабо­тата на ор­га­ни­­за­цијата, етабли­рањето на оваа ави­јација, обезбедување средства и друго. Во 1971-72 година Јо­ван го гради првиот змај-делтаплан кој имал несоод­ветно тешко платно. Сашо прави неколку лето­ви со него, што ги вика скокови, се погоре и погоре на Зај­чев рид, со прем­ногу елан се додека на приземјување не ги повре­дил нозете. Продолжуваат со работа, Јован добива идеја да се направи жиро­глајдер, како што кажува Сашо, со на­црти­те што Јован ги купил од фирмата Bensen ги однел во фирмата „Бегче” од Скопје, каде роторот-елиса широка 6 метри – два крака по три метра споени во глав­чи­ната, ја направиле од дрво, и тоа бес­плат­но.