Емитер 206 - 7-8/2023.
Нарачајте го овој број или најавете се за да ја прочитате целата статија.
Сончевата и ветерната енергија станаа драматично поевтини во последните неколку децении. Сепак, овие извори сè уште зависат од условите на околината – без ветер, турбините не можат да се вртат, а ако сонцето не сјае, соларните панели не можат да соберат енергија. Транзицијата кон “чиста” електрична мрежа може да се забрза само со складирање на вишокот енергија во батерии и потоа да ја прераспределуваме кога сонцето и ветерот не соодветствуваат со побарувачката. Тоа ги прави овие извори помалку конзистентни од фосилните горива. Со развојот на општеството и исцрпувањето на природните ресурси, луѓето мора да почнат да користат обновливи извори на енергија и да развијат уреди за складирање енергија со ниска цена и висока ефикасност, како што се секундарните батерии.
Идеалните карактеристики на изведбата на уредите за складирање енергија се висока густина на енергија, висока густина на моќност, долг животен век, ниска цена и висока безбедност. Меѓу постојните секундарни батерии, литиум-јонските батерии се индустријализирани. Многу од поновите постројки за обновлива енергија се комбинираат со големи постројки на литиум-јонски батерии. Сепак, нивната висока цена, штетниот процес на ископување на литиумот којшто мошне негативно влијае врз животната средина, ниската практична енергетска густина (100–200 Wh/kg) и слабите безбедносни перформанси ја ограничуваат нивната примена. За да се задоволат потребите за складирање енергија на сегашното општество, неопходно е да се дизајнираат и развијат други батерии со пониска цена, подолг век на циклус и поголема густина на енергија и густина на моќност. Затоа, особено е важно да се најдат алтернативни метали за замена на литиумот.
Ова е само дел од статијата која во целост е објавена во Емитер 206 - 7-8/2023. Нарачајте го овој број за да ја прочитате целата статија, а ако веќе го имате купено електронското издание најавете се за да го прочитате.