Емитер 206 - 7-8/2023.
Нарачајте го овој број или најавете се за да ја прочитате целата статија.
Abbey Road Studios е едно од најпознатите студија за снимање во светот и глобална музичка икона. Меѓу најзабележителните клиенти на студиото биле Битлси, кои го користеле, особено неговото Студио 2, како место за многу од иновативните техники за снимање што ги усвоиле во текот на 1960-тите. Тоа е место каде што ги снимиле повеќето од нивните песни. А култниот статус е само надграден откако еден од албумите на Битлси, поточно нивниот единаесетти по ред, беше наречен – Abbey Road. Па да разгледаме околу што сè се креваше и сè уште се крева прашина, односно зошто ова студио ги заслужува ловориките со кои го опсипуваат и воспеваат неговите среќни клиенти.
Основано е во ноември 1931 година од Gramophone Company, претходник на британската музичка компанија EMI (Electric and Musical Industries), која ја поседувало додека Universal Music Group (UMG) не презела контрола врз дел од него во 2013 година. Во крајна линија е во сопственост на подружницата на UMG, Virgin Records Limited.
Надворешниот изглед на фасадата по ништо не ја оддава големината и намената на зградата
Првично изградена во 1831 година, на патот што води кон опатија Килбурн, во стилот на џорџиска архитектура (стил именуван по британските монарси Џорџ 1 до Џорџ 4), градската куќа имала девет спални соби. Зградата подоцна била претворена во станови. Во 1929 година, просториите ги добила компанијата Грамофон (Gramophone Company). Имотот ја имал поволноста што зад градската куќа постоела голема градина, која овозможувала да се изгради многу поголема зграда од задниот дел. Така, џорџиската фасада останала да ја прикрива вистинската димензија на зградата.
Биле изградени три наменски студија и постоечката куќа била приспособена за употреба како административни канцеларии. Пате (француска кинематографска компанија) го снимале отворањето на студијата во ноември 1931 година кога Едвард Елгар (Edward Elgar) диригирал со Лондонскиот симфониски оркестар за снимањето на неговата музика. Во 1934 година, изумителот на стерео звукот, Алан Блумлајн (Alan Blumlein), во студијата ја снимил Моцартовата Јупитерова симфонија под диригентство на Томас Бичам (Thomas Beecham).
Отворањето на студијата
Gramophone Company се споила со Columbia Graphophone Company за да ја формираат Electric and Musical Industries (EMI) во 1931 година. Студијата подоцна станале познати како Студија за снимање ЕМИ (EMI Recording Studios). Во 1936 година, виолончелистот Пабло Казалс (Pablo Casals) станал првиот што ги снимил суитите за виолончело бр. 1 и 2 на Јохан Себастијан Бах во продукција на шефот на EMI, Фредерик Гајзберг (Frederick Gaisberg). Снимките поттикнале револуција меѓу љубителите на Бах и виолончелистите. Исто така и Глен Милер (Glenn Miller) снимал во студијата на Abbey Road за време на војната.
Во 1958 година, Студио 2 на EMI станува центар за рокенрол музика кога Клиф Ричард (Cliff Richard) и Дрифтерс (Drifters, подоцна Клиф Ричард и Шедоус – The Shadows) таму го снимиле „Move It”, а подоцна и други музички поп материјали.
Некои од клиентите на Еби Роуд, од лево кон десно – Кејт Буш, Пинк Флојд, Ејми Вајнхаус...
и, се разбира, најпрепознатливите – Битлси, кои именуваа и еден од нивните хит-албуми со име на студиото
Ова е само дел од статијата која во целост е објавена во Емитер 206 - 7-8/2023. Нарачајте го овој број за да ја прочитате целата статија, а ако веќе го имате купено електронското издание најавете се за да го прочитате.