Земјата постојано е бомбардирана од метеорити. Голем дел од нив согоруваат уште при влегувањето во атмосферата, но некои од нив стигнуваат до површината. Токму тие нудат редок прозорец со поглед кон геолош­кото минато на Сончевиот систем. Повеќето од овие објекти доаѓаат од астероидниот појас, сместен помеѓу Марс и Јупитер, но и од уште подалеку. Некои од нив, пак, доаѓаат од нашето непосредно соседство, од Месечината, или од малку подалечното соседство, од Марс. Последново е случајот со метеоритот со ознака NWA 7034, познат по прекарот Црната убавина (Black Beauty). Се работи за најстариот марсовски метеорит, чиишто фраг­менти беа откриени во Мароко во 2011 и 2012 година. Анализата на неговиот состав открива елементи од геолош­ката историја на црвената планета. Но, оваа информација беше досега неце­лосна сè дури не ја знаевме точната локација на површината на Марс од кадешто потекнуваат овие “камења”. Ентони Лагаин од Универзитетот Кур­тин, Австралија, и неговите колеги успеаја да го допрецизираат потеклото на Црната убавина. Деталите за како тоа им појде од рака се дадени во продолжение на написов...