Емитер 1-6/2021.
Нарачајте го овој број или најавете се за да ја прочитате целата статија.
Раната историја на радиото на поранешните југословенски простори се случува во времето на постоењето на Кралството на Србите, Хрватите и Словенците (СХС), подоцна Кралството Југославија. Формирањето на првите радиостаници било резултат на влијанието на она што во тоа време се случувало во радиотехнологијата во Европа и во светот пошироко.
Радио Белград – Раковица
Претходникот на Радио Белград, Радио Белград – Раковица започнал со емитување програма како дел на радиотелеграфска станица. Уште во 1922 година Министерството за пошта и телеграф склучило договор со француската компанија за безжична телеграфија TSF за изградба на нова радиотелеграфска станица. За таа цел, Министерството купило 23 хектари земја во Раковица, близу Белград. На таа површина била изградена и приземна зграда, наменски планирана за радиостаница (ноември 1923). Радиостаницата во Раковица била прва емисиона станица на Балканот.
Радио Белград – Раковица, 1 октомври 1924 година
Во октомври 1924 година, на радиотелеграфската станица Белград – Раковица, која била во сопственост на француската компанија TSF, и било дозволено да инсталира радиостаница и со „радиотелеграфски – радиотелефонски апарат”, да емитува радиопрограма трипати неделно, по еден час. Програмата требало да содржи вести, берзански и метеоролошки извештаи, преноси од концерти.
На 1 октомври 1924 (на истиот ден како и Радио Виена), официјално се огласил Радио Белград со гласот на спикерката Јелена Билбија: „Ало, ало, овде Радио Белград на бранова должина од 455 метри. Ги молиме сите што нè слушаат да нè известат за начинот на приемот, јачината на гласот и модулацијата”.
Јелена Билбија – првата спикерка на Радио Белград и Иван Ковачевиќ (1929 година)
Секој вторник, четврток и сабота од 18.45 до 19.45 часот биле пренесувани концерти, најновите вести подготвувани од новинарите на весниците „Политика” и „Дневни новости”, Белградската берза ги обезбедувала актуелните берзански извештаи, а дирекцијата на Белградската опера ја подготвувала музичката програма. Според српските извори, токму оваа редовна програма на Радио Белград била првата формирана радиостаница на Балканот, пред многу европски метрополи. Програмата можела да се следи преку ден во целото Кралство, а ноќе и во околните земји. Во првите денови, радио можеле да слушаат сопствениците на 61 регистриран приемник во градот. За оваа новост да биде достапна за колку што е можно повеќе слушатели, во неколку кафеани во градот биле поставени приемници, а тие биле преполни за време на емитувањето на радиопрограмата.
Вака започнал Радио Белград, а како течел развојот прочитајте во текстот што следува...
Јелена Билбија – првата спикерка на Радио Белград и Иван Ковачевиќ (1929 година)
Радио Белград – Раковица, 1 октомври 1924 година
Занаетчискиот дом на Хилендарска улица од каде Радио Белград ја емитува својата програма од средината на педесеттите години од минатиот век
Ова е само дел од статијата која во целост е објавена во Емитер 1-6/2021. Нарачајте го овој број за да ја прочитате целата статија, а ако веќе го имате купено електронското издание најавете се за да го прочитате.