Дигалката треба да има носивост од 10 kN , треба да е колку што е можно поедноставна по конструкција (минимум составни делови) и едноставна за ракување. Треба да е така конструирана, практично да не може да се расипе додека се применува. Висината на подига-њето на возилото од подлогата – 150 mm. Времето на подигање – 1s. Во работа, дигалката треба да е независна од стационарните инсталации во боксот (електрична енергија, компримиран воздух итн.) и да може да се користи на произволна оддалеченост од него – на произволно тврда или мека подлога (бетон, асфалт, песок, земја, трева). Приодот со дигалката е однапред (или одназад) на возилото, а со неа се подига една цела “оска”. Подигнатото возило мора да лежи стабилно на дигалката и не смее да падне од неа за време на интервен-цијата. Димензиите на дигалката не се строго определени, но таа треба да е колку што е можно помала и полесна заради лесно транспортирање или пренесување со секаков вид транспортни средства (со разни возила, хеликоптер, но и со рачно пренесување), при примената да не ја загадува околината и да не предизвикува преголем замор кај персоналот.