Навистина, Понг е игра на сите времиња, нејзина реализација може да се најде во безброј варијанти: од решенија со електронски ламби, преку конструкции со стандардни CMOS или TTL логички кола, или легендарните интегрирани кола AY-3-8500 и AY-3-8600, па сè до верзии сочинети од соодветен софтвер за најновите генерации персонални компјутери. Тоа ја одликува нејзината универзалност и ја дефинра како мајка и татко на видеоигрите. Од друга страна, нејзината едноставност ја прави популарна кај сите возрасти: од 7 до 77 години, дури и во денешно време кога имаме неверојатна голема понуда на ова поле и индустрија на видеоигри со приход од 81,5 милијарди долари во 2014! Приход кој е, верувале или не, двојно поголем од оној на филмската индустрија!

Ние со овој проект ќе реализираме една минијатурна варијанта на видеоконзола со помош на 8-битниот микроконтролер на Microchip: PIC12F675. Реализацијата е навистина минималистичка: PIC12F675 доаѓа во пакување DIL8! Откако ќе го изработите овој миниПОНГ предлагаме да изиграте една игра во чест на неговиот изумител Ралф Баер - таткото на видиеоигрите.