Во ова продолжение на серијалот ќе бидат опишани дел од периферните компоненти кои се присутни во микроконтролерот. Станува збор за периферните компоненти за претворање на аналогните сигнали во дигитални и контролерот за прекини. Аналогно-дигиталниот конвертор се користи за претворање на аналогните сигнали, кои се носат до микроконтролерот, во дигитални кои потоа може да се обработуваат со апликациите кои се извршуваат во него. Контролерот за прекин е една од најчесто користените периферни компоненти со чија помош се добива брз одзив при појава на сигнал за настан од која било периферна компонента.