Уште еден модел од морето компактни дигиталци? Можеби… барем на прв поглед. Во последниов период бележиме завидна активност во поглед на пласирање нови модели од сè уште најпопуларната категорија – компакти. Летото кое што веќе започнува е вистинското време за замена на застарениот дигиталец со нов. Е, тука почнуваат маките на купувачите – кој и каков модел да се избере?
Со оглед на тоа што мегапикселната мегаломанија се намалува (границите во тој поглед полека се достигнуваат), трката се насочува во поглед на расположливите опции. А тука изборот веќе станува – боли глава! "Масло на огнот" долеваат и паметните телефони со своите камери – иако минијатурни во споредба со компактните дигиталци, сепак има модели кои овозможуваат сосема коректни фотографии (во поглед на квалитетот на истите). А со оглед на тоа што кај денешната младина споделувањето на фотографиите преку социјалните мрежи е примарна цел, јасно е дека во тој поглед фотоапаратите не можат да држат чекор. Или, пак, така беше до сега!?
Sony Cyber-shot DSC-HX50V почна да ја бранува и да ја мати водата…