Дали имате инсталирано антивирусна заштита на вашиот компјутер? Ако одговорот е да, тогаш ви честитаме за првиот чекор што сте го направиле во правец на заштита на вашите податоци. Но, повеќето луѓе застануваат токму на овој почетен чекор, криејќи се зад привидната безбедност на овие програми. Да нема недоразбирање, антивирусните програми сосема добро си ја вршат работата во идентификување на заканите, но ако на напаѓачите им оставите доволно отворени врати, тие едноставно ќе ги искористат, заобиколувајќи ја заштитата. Во овој напис ќе ве упатиме во основните работи на кои треба да внимавате и да ги направите за да обезбедите поцелосна заштита на вашите податоци.