CD плеерот денес е најраширен извор на звук. Ваквиот негов подем се должи како на несовршеноста на аналогните грамофони, така и на големата кампања на неговите производители, од неговото појавувње на пазарот, па се до денес. Се поголемото незадоволство од крцкањето и шумовите од аналогните плочи, што многу аудиофили ги доведувало до очај, слабиот однос сигнал/шум, рестриктираниот динамички опсег и останатите недостатоци на аналогните медии, особено во своето масмедиско обличје, обилно ги користеше залетаната дигитална машинерија, не воздржувајќи се од изјавите дека дигиталните плочи звучат совршено, дека се вечни и неуништиви, дека компактните дискови не треба посебно да се одржуваат и слично. Главниот слоган на дигиталните компании е краток и јасен “Perfect sound forever” (Совршен звук еднаш засекогаш).