Овие денови, во некои краеви на Македонија, актуелна е потрагата по закопано благо, а златната грозница има се повеќе следбеници. Специјално за нив објавуваме еден едноставен, евтин и многу осетлив метал детектор.
Во основа метал детекторите може да работат на еден од следниве три технички принципи: осцилатор со избивање, систем со спрегнати индуктивности и индукција на импулсите. Секој од овие три опишани методи има свои предности и идеалниот метал детектор би морал да ги спои позитивните особини од сите три методи. Очигледно е дека не може да се направи ваков идеален уред, па заради тоа мора да се направат одредени компромиси.
Метал детекторот кој ќе го опишиме е заснован на принципот на спрегнати индуктивности, па со самото тоа во главата на овај детектор се наоѓаат два калеми.