Навистина, новото интегрирано коло AS5013 на Austria Microsystems произведено во Easy Point технологија е вистинско освежување и голема надеж за делумно префрлување на високата технологија во Средна Европа, поточно во Австрија, Чешка и Унгарија. Овој тренд е сè поприсутен во последните години и веќе дава видливи резултати. Се надевам дека во иднина сè повеќе новости од областа на електрониката ќе ни доаѓаат токму од овој регион.
Ова интегрирано коло е навистина иновативно и единствено на пазарот. Тоа е комплетно интегрирано решение на кое му требаат малку надворешни компоненти за да се изработи уред за посредување меѓу човекот и машината. Решението е базирано на детекција на насоката на движење со помош на сензори кои користат Холов ефект за магнетна детекција и во таа смисла ги следи современите трендови на потполна интеграција на елементите на детекција со останатите компоненти на интегрираното коло. Со тоа добиваме компактен и доверлив систем лесно применлив во многу апликации. Во кратки црти, тоа е комплетен систем во чип (SoC – System on Chip), концепт кој сè повеќе ќе го сретнуваме во иднина.