Во времето од 95/96 год. пред почетокот на зимата кога цената на електричната енергија во неколку наврати се зголеми, а затоплувањето на станот ми е решено со сопствено парно греење на електрична енергија, за мене самото греење стана економски неисплатливо, па одлучив на некој начин да го ублажам тој проблем. Во прво време ставив визуелна индикација - мала сигнална сијаличка (тлеалка) која ја поврзав директно од преклопникот за I/II тарифа. Со тоа успеав во следните два месеца да заштедам во пари 15-20% гледано во однос на претходните месеци, така што греењето и другите појаки потрошувачи ги вклучував во моментот кога ќе се вклучеше евтината струја. По некое време сфатив дека не е доволна само визуелна индикација затоа што мора да се следи кога ќе се запали сијаличката и цело време да се биде на штрек бидејќи преклопникот не го мери времето точно, па се случуваше да има отстапувања од ±2 часа во текот на една седмица. Така со овие два модули кои сега ги презентирам се надминаа претходните недостатоци и покрај визуелната се доби и звучна индикација.