Сигурно на многумина им се случило таман кога ќе си легнат навечер и сè ќе им биде погодено, одеднаш да слушнат некој непознат звук од соседната соба. И се разбира во прв момент си велите дека не е ништо, но сепак непријатниот звук не ве остава на мира. Со голема мака станувате да проверите што е тоа што го предизвикува непознатиот звук. Одите во собата од која доаѓа звукот, ја вклучувате ламбата и одеднаш престанува да се слуша непознатиот звук. Мислејќи дека сепак ви се причинува ја гасите ламбата и пак се враќате во сè уште топлата постела, се сместувате, но пак го слушате непознатиот звук од соседната соба. И така сè додека не се изнервирате и останете во собата со изгасена сијалица за да одредите што го предизвикува непознатиот звук. Овој непознат звук се разбира го предизвикува уредот кој ви го претставуваме во овој кус напис и се користи за да се пошегувате со некој близок пријател.