На почетокот на март, Атина беше домаќин на престижната конференција EmTech Europe 2025, организирана од MIT Technology Review и водечкиот грчки весник Катимерини.

Собраните научници и технолошки лидери разговараа за тоа како вештачката интелигенција (ВИ) ги менува клучните индустрии - од наука и медицина, до финансии и бизнис – создавајќи одржливи, безбедни и етички решенија за глобалните предизвици.

„Кога станува збор за вештачката интелигенција, јас сум на емотивен тобоган. Возбуден сум што гледам дека ги поместува границите во толку многу области, но понекогаш тоа ме плаши. Верувам дека и другите луѓе го чувствуваат истото. Во медицината, вештачката интелигенција веќе ја забрзува дијагностиката, помага да се откријат нови терапии и потенцијално спасува многубројни научни идеи, кои исто така се користат за тестови на науката Сепак, вештачката интелигенција треба да се гледа како асистент во науката, а не како замена за научникот - го забрзува истражувањето, но клучните одлуки сепак ги носат луѓето“, рече Шарлот Џи, уредник на вести во MIT Technology Review.

Шарлот Џи, уредничка на вестите на MIТ Technology Review

Се очекува во следните пет години хуманоидните роботи со вештачка интелигенција да станат дел од секојдневниот живот. ВИ ќе има значително влијание и врз медицината, правото, маркетингот и банкарството, а се предвидува дека дури 50 отсто од адвокатските канцеларии би можеле да пропаднат поради автоматизација.

Понатаму, вештачката интелигенција веќе прави револуција во навигацијата на бродови и подморници. Во следната деценија, автономните подморници ќе ги мапираат најдлабоките делови на океанот, генерирајќи огромни количини на податоци кои само вештачката интелигенција може да ги обработи.

Едно важно прашање е влијанието на вештачката интелигенција врз животната средина, особено во контекст на зголемување на потрошувачката на енергија. Како што вештачката интелигенција станува дел од секојдневниот живот, нејзините потреби за енергија исто така растат. Вештачката интелигенција користи огромни ресурси, како во фазата на обука, така и за време на секојдневната употреба.

Средношколци кои конструираат роботи

Лук Џулија, еден од креаторите на апликацијата Siri, ја даде својата дефиниција за оваа технологија: "Ви треба да се гледа како зголемена интелигенција – алатка која ги подобрува човечките способности, а не ги заменува. Одговорноста за нејзината имплементација е целосно на нас."

Може да се заклучи дека прашањето повеќе не е дали вештачката интелигенција ќе ги промени индустриите, туку колку брзо ќе се прилагодиме на овие технологии и ќе осигуриме дека нивната употреба е одговорна и одржлива.