„Основните истражувања како нашето ги инспирираат другите истражувачи да ги вложат своите напори и имагинација во синтетизирање на соединенија чиешто постоење се чини неверојатно“, вели , коавторот на студијата д-р Ријан Девхерст од Универзитетот Јулиус-Максимилијан во Вирцбург, опишувајќи го наодот во Nature Synthesis. „Напредокот што го менува светот честопати произлегува од ваквите луди идеи“.

Структура на првата молекула во светот со тројна врска помеѓу бор (B) и јаглерод (C). Слика: Ријан Девхерст / Универзитет во Вирцбург

Во хемијата, елементите бор (B), јаглерод (C), азот (N) и кислород (O) можат да формираат тројни врски меѓу себе, во кои 2 атоми делат 3 пара електрони. Досега, хемичарите ги имаат остварено сите можни комбинации на тројни врски помеѓу овие елементи во лабораторија, освен помеѓу елементите бор и јаглерод.

Новата молекула, наречена борин, постои како цврста портокалова материја на собна температура. Атомот на бор во неа е во линеарен распоред со 2 јаглеродни атома, од кои едниот дели тројна врска.

„Во комбинација со тројната врска, овој [линеарен распоред] е извонредно непријатен за борот, и бара мошне посебни услови“, вели Девхерст.

Ова е причината зошто толку долго чекавме на синтетизирање на тројна врска помеѓу јаглерод бор.

Истражувачите очекуваат боринот да реагира интересно со други супстанции. Работата на тимот сега ќе се фокусира на разбирање на оваа реактивност, што на крајот може да резултира со иновативни нови алатки за хемиска синтеза.