Чипот на Google е еден од најновите патенти во доменот на квантните пресметки т.е. quantuum computing, сфера што се обидува да ги искористи принципите на физиката на честички за да создаде нов вид на неверојатно моќен компјутер.

Google вели дека неговиот нов квантен чип, наречен Вилоу (Willow), носи „клучни пробиви“ и „го отвора патот кон употреблив квантен компјутер од големи размери“. Но, според експертите Willow барем засега, во голема мера претставува експериментален уред, Ова значи дека патот до употреблив квантен компјутер доволно моќен за да реши широк опсег на проблеми од реалниот свет е сè уште долг, и до оваа реализација не чекаат уште години како и дополнителни милијарди долари инвестиции.

Директорот на Квантен хардвер Џулијан Кели го претставува Вилоу и неговите достигнувања

Во изјава за Би-Би-Си, Хартмут Невен кој ја води Лабораторијата Квантум ВИ (Quantum AI) на Гугл која го создаде Вилоу тврди дека тој е „најдобриот квантен процесор некогаш бил направен“.

Професорот Алан Вудворд, компјутерски експерт од Универзитетот во Сари, вели дека иако квантните компјутери ќе бидат подобри во голем број задачи од сегашните „класични“ компјутери, сепак тие нема да ги заменат. Тој предупредува на преценување на способноста на квантните компјутери, особено при проценката на нивните можности со тестови скроени токму за квантни пресметки. Тој смета дека на овој начин не може да се направи реална споредба со класичните компјутери. Сепак, Вудворд вели дека процесорот Вилоу претставува значителен напредог во поглед на она што тој го нарекува коригирање на грешките.

Имено, колку еден квантен компјутер е покорисен, толку повеќе кjубити тој поседува. Qubit ја претставува основната мерна единица на квантниот компјутинг, слично на битот во стандардната компјутерска архитектура. Но, главниот проблем со оваа технологија е тоа што таа сепак е склона кон грешки, а нивната веројатност се зголемува со наголемувањето на бројот на кјубити што го поседува чипот.

Истражувачите на Гугл велат дека го надминале овој тренд, истакнувајќи дека и покрај тоа што за развојот на практично корисни квантни компјутеру нивото на грешки и понатаму мира да биде мошне помало од оние што ги покажува Вилоу.

Квантните компјутери работат на фундаментално поинаков начин од компјутерите на нашите телефони или лаптопи. Тие ја користат квантната механика за да ги решат проблемите многу побрзо од традиционалните компјутери.

Квантните компјутери би можеле да помогнат во низа сложени задачи, вклучително и логистички проблеми од типот на дистрибуција на товарот во авионите или насочување на телекомуникациските сигнали или на енергијата достапна во националните мрежи. Тие би можеле во голема мера да ги забрзаат некои од сложените процеси, каков што е создавањето на нови лекови. Иако постојат стравувања дека тие би можеле да се користат и за лоши работи, како пробивање на некои сложени видови шифри што се користат за заштита на чувствителни податоци.

Во февруари, Apple објави дека шифрирањето со кое се заштитени разговорите на iMessage е направено со „квантно доказ“, што би требало да спречи нивното читање и со помош на моќните идни квантни компјутери.

Во петокот, и истражувачи од Универзитетот Оксфорд и Универзитетот на Осака во Јапонија објавија труд кој покажува многу ниска стапка на грешка во заробениот јонски кјубит. Нивниот пристап во создавањето на квантен компјутер е различен од оној на Гугл. Имено додека тимот на Гугле понуди чип што треба да се чува на многу ниски температури за да биде ефективен, англиско-јапонскиот истражувачки тим е сконцентриран на креирање квантен компјутер кој може да работи на собна температура.

Научните наоди од развојот на Вилоу беа објавени неодамна во списанието Nature.