Неделата на роботиката беше организирана од ФЕИТ по повод 10 години организација на Робомак и 60 години од основањето на Факултетот за електротехника и информациски технологии при Универзитетот “Св. Кирил и Методиј“ – Скопје.

За студентот Сања Цветковиќ, дел од организацискиот тим на Робомак и член на Студентски огранок на Македонската секција на ИЕЕЕ (Институт на инженери по електротехника и електроника), огромно е задоволството да се биде дел од ваков сериозен настан.

“Учесниците напорно работеа цела недела, речиси 12 часа дневно, но сето тоа беше многу интересно затоа што имаше многу дружење, работа и активности. Многу ми е мило што Робомак станува традиција, која ќе продолжи да се негува и надградува секоја година“, вели Цветковиќ.

За ректорот на Универзитетот “Св. Кирил и Методиј“, Никола Јанкуловски, “да се говори за роботи, да се создаваат машини со вештачка интелигенција, да се работи на машини кои размислуваат – тоа веќе не е новост ниту за нашите академски граѓани. Веќе 10 години, токму најинвентивните студенти на овој Факултетот, ја организираат манифестацијата Робомак и ги покажуваат и доближуваат најновите светски технолошки достигнувања пред нашата јавност“.

Победници на Робомак 2019 по категории се:

– ROBOTIC ARM: Благој Христов (ФЕИТ) и Владимир Илиќ (ФЕИТ);

– MAZE : Растко Тодоровиќ (ФТН, Нови Сад) и Никола Бранковиќ (ФТН, Нови Сад);

– LINE FOLLOWER : Лука Адамовиќ (ЕТФ, Белград) и Јелена Лалиќ (ЕТФ, Белград);

– AI FOOTBALL : Игор Наумовски (ФЕИТ) и Симеон Трендов (ФЕИТ) и Здравко Тодоров (ФЕИТ);

– SPHERO : Михаило Ристиќ (ЕТФ, Белград) и Софија Петровиќ (ЕТФ, Белград)

– SUMO: Андреј Биковски (ФЕИТ) и Борис Стевановски (ФЕИТ).

Како што веќе пишувавме оваа година за прв пат се организираше и категорија ROBOMAC Junior. Во оваа категорија учествуваа 36 селектирани ученици од четврта година од средните училишта во Република Македонија. Целта беше да се зголеми интересот за роботиката и за вештачката интелигенција меѓу средношколците во нашата земја, при што учесниците споделуваа знаења со наставниците и асистентите на Факултетот и со своите врсници – натпреварувачи. Исто така, имаа можност и за работа во тимови и работа со вистински роботи.

Robomac се одржа во просториите на Факултетот за електротехника и информациски технологии (ФЕИТ), при Универзитет Св. Кирил и Методиј во Скопје. Оваа категорија траеше од 20 до 22 март (среда до петок). Учесниците се натпреваруваа во програмирање и управување на едукативни роботи eduRobot на компанијата Atronika, со цел роботите самостојно и најбрзо да изминат зададена патека со препреки.

Притоа, тие работеа во неколку фази: запознавање со роботите и софтверот потребен за нивно програмирање; склопување на роботите и програмирање на роботите, со што тие ќе се подготват за натпревар на финалната патека и финален натпревар меѓу различните групи.

Сите учесници добија благодарници за учество. Сепак, најдобри средношколци на натпреварот освоија награди:

– 1 место (златен медал): Андреј Трајанов (СЕТУГС Михајло Пупин, Скопје), Ана Ковачева (СУГС Никола Карев, Скопје); Ана Василева (СОУ Славчо Стојменски, Штип);

– 2 место (сребрен медал): Фидан Стоименов (СОУ Гошо Викентиев, Кочани); Андреј Цветковски (СОУ Ѓорче Петров, Крива Паланка); Јана Ристовска (СУГС Раде Јовчевски - Корчагин, Скопје);

– 3 место (бронзен медал): Стефан Ефтимов (СОУ Добри Даскалов, Кавадарци); Стефан Домазетовски (СУГС Орце Николов, Скопје); Стефан Стојановски (СУГС Георги Димитров, Скопје);

Повеќе детали за ROBOMAC и ROBOMAC Junior 2019 на www.robomac.mk.