Серијата на прецизни операциски засилувачи OPA211 се одликува со многу низок шум (1,1nV/√Hz) и струја на напојување од само 3,6mA. Оваа серија исто така нуди и можност излезниот напон да биде еднаков на оној кој го користите за напојување, со што драстично го зголемува динамичкиот опсег.
Исклучително малите вредности за напонот и струјата на шумот, големата брзина, како и широкиот опсег на излезниот напон ја прави серијата OPA211 одличен избор при градба на филтер-засилувачи кај PLL апликациите.
Кај апликациите кои бараат прецизен пренос на податоците, OPA211 серијата на операциски засилувачи обезбедува време на смирување (settling time) од 700ns со 16-битна точност поддржана од излезен напон ±10 V. Овие AC карактеристики, во комбинација со офсет од само 125μV и температурен дрифт од 0,35μV/°C, го прават OPA211 идеален како побудно коло за високопрецизни 16-битни AD конвертори или како излезен бафер во DA конверторите со висока резолуција.
Други поважни карактеристики се: изобличувања THD+N = –136dB (при G=1, f=1kHz), GBP=80MHz (G=100), 45MHz (G=1), Slew Rate = 27V/µs, напојување ±2,25V... ±18V (4,5V...36V) и максимална излезна струја 30mA. Согласно овие карактеристики полето на примена (освен претходно наведените) ги опфаќа и активните филтри и нискошумните инструментациски засилувачи.