Веќе долго време, на пазарот на тврди дискови постојат, според перформансите, три основни типови. Првиот, со најслаби перформанси го претставуваат модели кои работат со брзина на вртење од 5400 вр./минута и овие модели го користат оние кои, всушност, немаат никакви посебни побарувања, освен, се разбира, обично складирање на податоците. Вториот тип на тврди дискови се оние кои работат со брзина на вртење од 7200 вр/минута и спаѓаат во групата маинстреам тврди дискови. Третиот тип, кои моментално спаѓаат во самиот врв според перформансите, претставува модели кои имаат брзина на вртење од 10000 вр/минута. Практично се работи за модели кои полека но сигурно мигрираат од серверите и работните станици кон поширокиот пазар на просечните потрошувачи. Еден од овие модели е и Western Digital VelociRaptor VR200M.