Ако сте принудени да оставите на страна некој ваш предмет кој треба да биде заштитен од "туѓи раце", истиот можете да го заштитите со едноставен склоп кој овде ви го предлагаме: батериски генератор за висок напон од 200 до 400V, со ниска енергија, апсолутно безопасен за човекот, но, сепак, способен да зададе непријатен "бодеж" на оној, кој ќе го допре. Овој проект има и друга цел целосно настрана од тој практичен аспект: помладите генерации да ги запознае со склоп, кој постарите радиоаматери многу добро го познаваат од времето кога суверено владеела технологијата на електронските цевки! Збор станува за т.н. Хартлиев осцилатор, наречен според неговиот пронаоѓач Ралф Хартли (Ralph Hartley).