Иако во јавноста постои перцепција дека нанопроизводите се нешто што ç припаѓа на далечната иднина и научно-фантастичните филмови, факт е дека оваа технологија се применува уште од пред шеесетина години. Според некои американски научници и футуролози, со посредство на нанотехнологијата за 50 години ќе станеме бесмртни. Нанороботи кои поседуваат вештачка интелигенција, имплементирани во човечкиот организам, ќе го спречат речиси секој генетски недостаток или штетно влијание од околината! Дали овие тези ќе се покажат вистински ќе покаже времето, но едно е сигурно - нанотехнологијата на голема врата влегува во сите области. Употребата на нанотехнологијата е сä повеќе присутна во сите човечките дејности, дури и во нашите домови, а тоа присуство ќе се зголемува во годините што доаѓаат.