Замајците со дводелна маса се од понов датум и се застапени само кај некои од современите дизелски мотори (common-rail, пумпа шприцалка, директно повеќестепено вшприцување и сл.) и поретко кај некој од современите бензински мотори со поголема зафатнина наменети за поголемите луксузни возила и камионети. Ќе се ставам во улога на проектант и ќе ги изнесам моите размислувања за тоа како од обичен (едноделен) замаец ќе се дојде до замаец со дводелна маса. Размислувањата се начелни, груби и "во принцип". Финесите и деталите како и поширокиот контекст на проблемов се неважни за ова излагање. Целта на текстов е да поттикнам размислување и да изнудам дискусија по ова прашање.