Ресинот или полиуретанската (епоксидна) смола доведе до револуција во модерното макетарство токму поради фактот што им овозможи на самостојните макетари да креираат макети во самоградба и на тој начин да ги прикажат во вистинско светло своите макетарско-градителски и иноваторски способности. И покрај тоа што ресинот има подеднаква важност како за комерцијалните производители на макети така и за самостојните градители, сепак како медиум се препорачува за луѓе кои имаат доволно искуство во макетарството како област и се доволно запознаени со самата ресин технологија. Поради таа причина денес во светот имаме бројни мали, но исклучително успешни фирми чија основна дејност е производство на макети и дополнителни делови изработени од ресин без кои светот на макетарството би бил исклучително сиромашен.