Сигурно поголемиот дел од вас е запознаен со ГНУ/Линукс (GNU/Linux) оперативниот систем на некој начин или на друг. Убунту е ГНУ/Линукс дистрибуција која е создадена од Каноникал (Canonical) компанијата и претставува збир на апликации од светот на слободниот софтер, така формулирани да создадат оперативен систем кој ем е лесен за употреба, ем е слободен и бесплатен и достапен за секого. Убунту за прв пат се појави во 2004 година со верзијата Убунту 4.10, со кодно име Варти Вартхог (Warty Warthog) со цел да прерасне во оперативен систем лесен за употреба, слободен и достапен за секого. Преку годините со сигурност може да се каже дека таа цел е тотално исполнета и сè уште успева да нè изненадува со многу новитети и промени. Убунту дистрибуцијата е препознатлива по своето лого. Официјални деривати на Убунту се: Кубунту, Едубунту, Убунту за преносни компјутери и Х-Убунту, но овде ќе се задржиме само на Убунту. Убунту е базиран врз Дебиан (Debian) дистрибуцијата, позната како една од најстарите ГНУ/Линукс дистрибуции.