Сите кои се занимаваат со електроника, аматерски или професионално, ја знаат вредноста на вакуум-пумпата кога треба да се извади некој елемент што има повеќе од две ногички кои се залемени на ППК. Но, ако вакуум-пумпата се расипала токму во моментот кога ви е најпотребна или врвот веќе се распаднал па не може да се оствари близок контакт до лемното место, тогаш ви преостанува само вашата снаодливост доколку сакате да ја завршите започнатата работа. Бидејќи времето е пари, а пари никогаш доволно, во овој прилог ќе ви објасниме како за "ич пари" ќе можете да дојдете до многу вредна алатка која во многу случаи ќе ви биде попрактична од вакуум-пумпата.