Денес на пазарот за електронска опрема можат да се најдат повеќе видови на преносни медиуми за чување на податоци. Од веќе застарените касети, компакт и ДВД-дискови, па сé до засега најновите интегрирани мемориски медиуми, или народски кажано мемориски картички. Сите овие мемориски медиуми по нешто се "автентични" во споредба со конкуренцијата, како компактноста, капацитетот, едноставната употреба, брзината при пристапот или меморирањето на податоците, цената и нормално сите имаат позитивни и негативни карактеристики, па корисниците својот избор го прават врз основа на личните потреби поврзани со мемориските медиуми. Во написот што следи, ќе го разгледаме решението на јапонскиот гигант Сони, односно неговите мемориски картички, познати како Sony Memory Stick...