Често пати во праксата наидувам на компјутери кои се толку многу заразени со разноразни злонамерни програми, то понекогаш дури е невозможно да се изврши комплетно чистење на системот, па најдобра солуција (кога е тоа можно) е форматирање на тврдиот диск и повторна инсталација на оперативниот систем. Чуден е фактот што многу корисници мислат дека ако на компјутерот имаат инсталиран антивирусен програм, тогаш сите проблеми се решени. За жал, не е така. За целосна заштита од злонамерни програми потребна ви е колекција на заштитни алатки, кои ќе ви овозможат солидна дополнителна заштита. Токму таква намена имаат двата програма (алатки ако сакате) што ќе ви ги претставам во овој напис: Ad-Aware 2007 и Spybot Search & Destroy 1.5.