Работејќи го овој материјал имавме неблагодарна задача, помеѓу мноштвото теми, објавени во ранг-листите на трите најекспонирани американски научни списанија, Discover, Science и Wired, да издвоиме 15 теми, колку што ни дозволуваат нашите просторни можности. Имено, сите теми се речиси приближно еднакво актуелни, па конкуренцијата помеѓу нив е речиси изедначена. Поради тоа изборот го направи наша работна група од 4 члена, секој со свое поединечно рангирање на сите теми, од што произлезе една, да ја наречеме ЕМИТЕР ранг–листа, од која ги зедовме предвид прворангираните 15 теми. Но, тоа никако не значи дека токму тие се најголемите достигнувања. Впрочем изедначеноста на темите по ранг се гледа и од големите разлики во котирањето на одделни теми во одделни матични ранг-листи на списанијата. Поради тоа, во идните броеви на ЕМИТЕР, сукцесивно ќе објавуваме во вид на инфо или напис, и други теми, надвор од овие 15, а некои од нив, веќе објавивме во нашите претходни изданија. Сега да ги проследиме 15-те теми од нашиот избор.